Berisha: Korrupsioni i Fatzi Drogës lë policinë pa uniforma dhe zbathur!

Premte, 10 August 2018 22:36
Nga Sali Berisha
 
Korrupsioni i Fatzi Droges le policine pa uniforma dhe zbathur!
Policia drejt protestave antiqeveritare!
Te dashur miq, Fatzi Droga, nga korrupsioni i tij per ti dhene tenderin prej 12 milione euro kompanise qe ndante parate me te, la policine pa uniformen verore dhe kepucet duke detyruar policet e vendit te vishen me ç'te munden. Kjo ka krijuar nje pakenaqesi te madhe ne trupen e policise, e cila per kete shkak si dhe per vendimin e rritjes se rrogave po pret shtatorin qe te filloje protestat dhe grevat!
Lexoni investigimin e mediave per kete afere korruptive te turpshme. sb
 • 
Për të qarë e për të qeshur, uniformat e verës vijnë në dimër, policët detyrohen t’i blejnë vetë
Shpeshherë në rrugët e vendit kemi parë efektivë policie me uniforma të konsumuara dhe aspak serioze. Për këtë arsye në fillim të prillit Ministria e Brendshme shpalli tenderin me procedurë të hapur për “Blerje konfeksione (veshje) për uniformën verore për Policinë e Shtetit”, me fond limit rreth 190 milionë lekë.
Disa operatorë ekonomikë u ankuan për kushtet e tenderit , pasi kishte dyshime për favorizim të subjekteve të caktuara. Specifikimi ishte lëvrimi i uniformave 45 ditë nga lidhja e kontratës, një kohë e pamjaftueshme kjo sipas operatorëve që u ankuan, për të prodhuar mijëra uniformave.
 
 
Sipas dokumentacionit në Agjencinë e Prokurimit Publik, kushtet e tenderit u modifikuan duke e çuar në 60 ditë afatin e dorëzimit të uniformave si dhe u shty disa ditë afati i dorëzimit të ofertave për pjesëmarrje në tender.
Në fillim të qershorit u shpall fitues bashkimi i disa operatorëve që ishin paraqitur me ofertën më të favorshme ekonomike, por vonesat po i vuajnë efektivët e policisë. Këta të fundit ishte parashikuar të pajiseshin me uniformat verore në muajin korrik, por sipas kontratës, veshjet do t’i marrin në mes të gushtit.
Disa efektivë që dëshirojnë të mbeten në kushtet e anonimatit, i thanë Top-Channel se janë detyruar të blejnë vetë uniformat verore. Po ashtu edhe këpucët për uniformën verore, për të cilat është zhvilluar një tender tjetër, me vlerë rreth 57 milionë lekë, ende nuk i janë dorëzuar efektivëve të Policisë së Shtetit.
Tenderët për uniformat e policisë kanë qenë gjithnjë problematikë. Në 2016-ën Policia e Shtetit ndërpreu kontratën me një kompani për prodhime të dobëta dhe e kallëzoi penalisht ndërsa në 2017-ën u anulua një tjetër tender me vlerë 1.2 miliardë lekë.
/Syri.net/
Modifikuar më Premte, 10 August 2018 22:43

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Vasili: Rama antiprotestë në UBT, foli me veten

Politikë

Vasili: Rama antiprotestë në UBT, foli me veten

Mëngjesin e kësaj të marte, kryeministri Edi Rama u pa në Universitetin Bujqësor të Tiranës edhe pse studentët nuk ishin në dije të këtij takimi. Madje ata denoncuan edhe me video...

“Rama njeh dialogun e përçarjes dhe jo të zgjidhjes së problemeve”

Politikë

“Rama njeh dialogun e përçarjes dhe jo të zgjidhjes së problemeve”

Për deputeten e Partisë Demokratike, Dhurata Çupi, tentativa e Kryeministrit Rama për gjoja dialog është thjesht dhe vetëm tentativë për përçarje të studentëve. Çupi shkruan në Facebook shkruan se në 5...

Përplasen dy kamionë në Librazhd

Aktualitet

Përplasen dy kamionë në Librazhd

Një aksident mësohet të ketë ndodhur në hyrje të qytetit të Librazhdit, ku dy kamionë janë përplasur me njëri-tjetrin. Sipas informacioneve paraprake dyshohet se nga ky aksident dyshohet se ka mbetur...

Sondazh

Nothing found!

Sondazh

Nothing found!