Deputeti  i PD-së denoncon AMA-n: Do mbyllen televizionet lokale

Saturday, 08 September 2018 12:17

Deputeti i PD-së, Luçiano Boçi ka denoncuar Autoritetin e Mediave Audiovizive se po dëmton televizionet e vogla, deri në mbylljen e tyre.

Disa media lokale kanë kërkuar që afati për të kaluar në transmetime digjitale të shtyhet deri në fund të këtij viti, por AMA nuk e ka miratuar këtë kërkesë. Sipas Boçit, shumë manipulime po kryen në mënyrë që të dalin jashtë tregut shumë prej këtyre televizioneve.

“Mbyllja e TV lokale do jetë një veprim me pasoja të rënda për lirinë e medias dhe informimin e qytetarëve, si media më afër problematikës së tyre të përditshme dhe element shumë thelbësor i demokracisë”, shkruan deputeti demokrat.

Postimi i plotë i Boçit:

AMA e madhe që ha TV-të e vogla.

Kalimi në transmetime digjitale i TV-ve mbetet një objektiv i domosdoshëm dhe një kërkesë integruese e vazhdueshme.

Ndonëse afati përfundimtar ishte qershori i 2015, Shqipëria ende nuk e ka përfunduar digjitalizimin

E gjitha ka ardhur për shkak të synimeve favorizuese të qeverisë dhe monopolizuese të “të mëdhenjve” në dëm të “të vegjëlve”

Ligji i medias mbetet një nga ligjet më të shkelura, krahas Kushtetutës, brenda hapësirës zbatuese të tij.

AMA, institucioni kontrollues e rregullues, vazhdon të jetë një “pisqollë me mulli” në duart e qeverisë dhe të grupeve klienteliste.

Vendimet e saj, të orientuara e antiligjore, kanë prishur çdo ekuilibër dhe kanë krjuar një situatë monopol, duke prekur rëndë lirinë e medias dhe vënien e saj në shërbim të qeverisë.

Vendimi që pret të ekzekutohet nga AMA në datën 10, është në këtë linjë.

Ndonëse “i sheqerosur” ai penalizon, falimenton dhe ekzekuton TV lokale, që sot ende kanë në përdorim një bandë analoge.

Pasi nuk ju dha e drejta sipas ligjit, që TV lokale të kishin rrjetin e tyre frekuencor, një pjesë e madhe e tyre e gjejnë veten sot dhe jashtë dekoderit universal për shkak të manipulimeve.

Ndërkohë tarifa e mbartjes së tyre drejt RTSH nuk bëhet sipas ligjit në kosto, por mbi kosto, shpesh të papërballueshme.

Shoqata e TV lokale ka kërkuar shtyrjen e afatit të fikjes së sinjalit deri në fund të 2018 dhe kërkesa e tyre është legjitime.

Por në këtë pikë AMA nuk pyet. Është e kapur prej veshi dhe prej fyti prej padronëve të vërtetë.

Mbyllja e TV lokale do jetë një veprim me pasoja të rënda për lirinë e medias dhe informimin e qytetarëve, si media më afër problematikës së tyre të përditshme dhe element shumë thelbësor i demokracisë.

AMA nuk mund të justifikohet objektivin e digjitalizimit që tash tre vite e ka shpërfillur dhe shpërdoruar për interesat dhe axhendat politike të qeverisë e klientëve të saj.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Frashëri tradhëtar? Plasari: Ka mbaruar koha kur historia censurohej

Aktualitet

Frashëri tradhëtar? Plasari: Ka mbaruar koha kur historia censurohej

Studiuesi Aurel Plasari të mërkurën foli në lidhje me figurën e Mid’hat Frashërit dhe rolin e tij në Kongresin e Manastirit. Plasari u ndal tek ky moment i artë i historisë...

Spanja bën hapa para në njohjen e Kosovës

Aktualitet

Spanja bën hapa para në njohjen e Kosovës

Spanja do të lejojë atletët kosovarë të përdorin simbolet kombëtare, në një kompeticion të organizuar në shtetin iberik, edhe pse Madridi nuk e njeh ende pavarësinë e shtetit ballkanik. Kjo...

Leskaj: Më shumë transparencë në spitale

Aktualitet

Leskaj: Më shumë transparencë në spitale

Kontrolli i Lartë i Shtetit rendit katër flamuj të kuq përsa i përket nivelit të shërbimit shëndetësor në Shqipëri. Për të trajtuar më mirë ankesat duhet të ketë më shumë...

Sondazh

Nothing found!

Sondazh

Nothing found!