Deklarata e senatorit Johnson, fundi i një intrige antishqiptare

Hënë, 10 September 2018 22:21

Nga Kastriot Dervishi

I dërguari i Presidentit Trump, Ron Johnson, u dha fund intrigave në lidhje me çështjen e ndryshimit të kufijve midis Kosovës e Serbisë, duke thënë se këtë opsion e nxiste Rusia për të arritur destabilizimin e rajonit. Kohët e fundit kemi vërejtur se pas vizitës së Aleks Soros në Shqipëri, Kosovë dhe Serbi, u potencua fort ideja e “korrigjimit” apo “ndryshimit” të kufijve midis Kosovës dhe Serbisë. Për kufirin serbo-kosovar, u panë të diskutojnë fort presidentët Hashim Thaçi dhe Aleksandër Vuçiç. Presidenti i Kosovës mbrojti tezën për të bërë “korrigjime”, duke bërë të njohur futjen e luginës së Preshevës në territorin e Kosovës por na njohur se çfarë mund të lëshojë kjo e fundit. Ndërsa dihej se kjo ide ishte hedhur në Tiranë, kryeministri Rama asnjëherë nuk u prononcua në ishte pro apo ishte kundër. Pavarësisht se nuk thuhej, në harta shihej qartë se Kosovës do i merrej pjesa më e pasur, veriu.

Serbia e humbi Kosovën pas luftës së vitit 1999, ku si rrallëherë i gjithë faktori ndërkombëtar ishte kundër saj dhe goditi ushtarakisht makinën vrastare të këtij shteti. Nga kjo kohë, politika e Serbisë ka qenë shumë e qartë në tre plane: të mbajë të bllokuar zonën ekonomike të Mitrovicës (në mënyrë që ta përfitojë atë në një rrethanë të favorshme), të bllokojë njohjen e Kosovës sa më shumë në arenën ndërkombëtare si dhe ta mundë ekonomikisht duke e kthyer në një konsumatore të mallrave serbe.

Gjatë gjithë këtyre javëve, presidenti Thaçi ka qenë i qartë në idenë e “korrigjimit”, por aspak i qartë konkretisht për çfarë territori bëhej fjalë dhe më keq akoma në kishte dakordësinë amerikane për hapa të tillë. Deklarimi i z.Johnson e zbuloi edhe më shumë pafrytshmërinë e deklaratave të z.Thaçi, madje duke i treguar ato si intriga antishqiptare. Fakti që senatori në fjalë na tregon se përfituese do ishte Rusia, është një hije e madhe dyshimi edhe për karrierën e shërbimet e z.Thaçi. Sipas pikëpamjes  amerikane, ideja e ndryshimit të kufijve i shërben Rusisë për destabilizimin e rajonin, duke qenë një rast që mund të përdorej edhe në situata të ngjashme.

Interesat e shqiptarëve në rajon, në Shqipërisë, Kosovë, Maqedoni, etj, asnjëherë nuk mund të jenë të tilla nëse kërkohen të sillen jashtë vëmendjes amerikane. Ideja false sikur po bëjmë “diplomaci” gjoja të pavarur, nuk çon ujë gjëkundi përveçse në mullirin e Rusisë.

Modifikuar më Hënë, 10 September 2018 22:24

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Zbulohet ndeshja e trukuar nga grupi "Bajri"

Aktualitet

Zbulohet ndeshja e trukuar nga grupi "Bajri"

Mes 11 personave të arrestuar si pjesë e grupit kriminal "Bajri", është edhe shtetasi Armir Grima, trajner i kombëtares së futbollit për femra i cili gjatë karrierës së tij sportive...

"Pronari më shikonte format, më kërkonte foto' 23 vjeçarja tregon ngacmimin seksual në punë

Aktualitet

"Pronari më shikonte format, më kërkonte foto' 23 vjeçarja tregon ngacmimin seksual në punë

Ada është një vajzë 23-vjeçare nga Berati, e cila pasi përfundoi studimet e larta vendosi që të qëndrojë në Tiranë për t’u punësuar.Por, në ambientet punëdhënëse që ajo ka frekuentuar...

Punime në stacionin Selitë, ja zonat pa energji elektrike nesër

Aktualitet

Punime në stacionin Selitë, ja zonat pa energji elektrike nesër

Operatori i Shpërndarjes së Energjisë Elektrike njofton abonentët e Tiranës se nesër do të ketë ndërprerje të energjisë elektrike për shkak të punimeve në nënstacionin Selitës. OSHEE bën me dije se...