Ish-Kryeministri Berisha, Ramës: Pranvera do të jetë fundi yt

Tuesday, 03 Prill 2018 14:06

Ish-kryeministri Sali Berisha i ka quajtur “Fake News” deklaratat e maxhorancës të thëna sot edhe nga Ministri Damian Gjiknuri se qeveria e mëparshme donte të vinte taksën 8.6 euro për “Rrugën e Kombit”.

Berisha thotë se ai mund ta vendoste taksën së paku 4 herë nga viti 2010 deri në 2013 por se studimi i bërë do shërbente vetëm për të gjetur sa duhej paguar koncesionari nga taksa e qarkullimit për mirëmbajtjen e rrugës. Berisha i bën thirrje Ramës të pranojë kërkesat e opozitës ose kjo pranverë sipas tij do jetë fundi i tij.

STATUSI I BERISHËS

Fake News/ Një trillim i denjë vetëm për Ramën dhe papagajtë e tij!

Të tromaksur nga revolta e qytetarëve të Kukësit, Hasit dhe Tropojës, jehona mbarë-kombëtare dhe kombëtare e saj, Edi Rama ka mbushur poturet dhe kërkon të shpëtojë duke veshur xhaketën time.

Ai sot shpërndan në rrjetin e tij dhe nëpërmjet papagajve të tij lajmin e rremë se ai vendosi taksën në Rrugën e Kombit pasi Berisha donte të vinte taksën 8.6 euro.

Me këtë rast duhet t’i them se gënjeshtrat e tij bajate vetëm sa e akuzojnë me rëndë. Së pari, Berisha mund ta vendoste taksën së paku katër herë gjatë 3 viteve, nga 2010 deri në 2013, por ai vendosi që ajo taksë kurrë të mos vihej përndryshe studimi që ai bëri do të shërbente vetëm për të gjetur mesataren që duhej paguar koncensionarit nga taksa e qarkullimit për mirëmbajtjen e Rrugës së Kombit, dhe kjo mesatare rezultonte, siç deklaroi edhe ministri i tij në parlament, 2 deri në 5 euro.

Me këtë rast i them Ramës se je i pashpresë! Prano urgjentisht kërkesat e opozitës; Hiq me urgjencë ‘taksën plaçkë’ të Rrugës së Kombit, anulo menjëherë TVSH për biznesin e vogël, shtesën e tarifës së ujit, taksës së pronës, rikthe mbrojtjen ekonomike dhe ndihmën sociale për të mjerët që u preve kafshatën, përndryshe kjo pranverë do të jetë fundi yt i merituar. Revolta qytetare kundër taksave të larta do të përmbysë narkoshtetin tënd! sb

Modifikuar më Tuesday, 03 Prill 2018 16:59

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Arratisja e Gruevskit, befason Zaev: Ai mund të jetë…

Bota Shqiptare

Arratisja e Gruevskit, befason Zaev: Ai mund të jetë…

Kryeministri i Maqedonisë, Zoran Zaev, në një konferencë për shtyp tha se autoritet duhet të hetojnë nëse Gruevski e ka lëshuar vendin vullnetarisht apo është rrëmbyer. Zaev: “Ne do të bëjmë gjithçka...

Plas keq grushti në Parlament, shikoni si rrihen deputetët

Globi

Plas keq grushti në Parlament, shikoni si rrihen deputetët

Nje skene aspak e denje eshte shenuar ne parlamenin e Sri Lankes, kur ne mes te punimeve ka plasur grushti dhe deputetet jane rrahur keq mes tyre. Se paku, njeri...

Deri dje vidhin lokale, sot iu ndodh e papritura

Aktualitet

Deri dje vidhin lokale, sot iu ndodh e papritura

Një grup hajdutësh që vidhte lokale dhe dyqane në qytetin e Durrësit është goditur nga policia.  Gjithashtu gjatë kontrolleve janë arrestuar edhe dy shtetas të tjerë me lëndë narkotike dhe armë...

Sondazh

Nothing found!

Sondazh

Nothing found!