Ish kryeministri Berisha-Ramës: Prano kërkesat e popullit ose kjo Pranverë do të jetë fundi yt

Tuesday, 03 Prill 2018 19:06

Ish-Kryeministri Sali Berisha me ashpërsi i ka drejtuar një apel Ramës, që ta heqë me urgjencë taksën-plaçkë të Rrugës së Kombit, ndërsa e ka paralajmëruar se "kjo pranverë do të jetë fundi i tij”

Ish-Kryeministri Sali Berisha ka hedhur poshtë me përbuzje, "gënjeshtrat bajate" siç i ka cilësuar të kryeministrit Edi Rama, shpërndarë në rrjetet sociale, sipas të cilave, Berisha ka synuar të vendosë një taksë mbi 8 euro në Rrugën e Kombit. Berisha me ashpërsi i ka drejtuar një apel Ramës, që ta heqë me urgjencë taksën-plaçkë të Rrugës së Kombit, ndërsa e ka paralajmëruar se "kjo pranverë do të jetë fundi i tij". "Të tromaksur nga revolta e qytetarëve të Kukësit, Hasit dhe Tropojës, jehona mbarëkombëtare dhe kombëtare e saj, Edi Rama ka mbushur poturet dhe kërkon të shpëtojë duke veshur xhaketën time. Ai sot shpërndan në rrjetin e tij dhe nëpërmjet papagajve të tij, lajmin e rremë se ai vendosi taksën në Rrugën e Kombit pasi Berisha donte të vinte taksën 8.6 euro. Me këtë rast duhet t’i them se gënjeshtrat e tij bajate vetëm sa e akuzojnë më rëndë. Së pari, Berisha mund ta vendoste taksën së paku katër herë gjate 3 viteve, nga 2010 deri në 2013, por ai vendosi që ajo taksë kurrë të mos vihej përndryshe studimi që ai bëri do të shërbente vetëm për të gjetur mesataren që duhej paguar koncensionarit nga taksa e qarkullimit për mirëmbajtjen e Rrugës së Kombit, dhe kjo mesatare rezultonte, siç deklaroi edhe ministri i tij në parlament, 2 deri në 5 euro. Me këtë rast i them Rames se je i pashpresë! Prano urgjentisht kërkesat e opozitës; hiq me urgjencë ‘taksën plaçkë’ të Rrugës së Kombit, anullo menjëherë TVSH për biznesin e vogël, shtesën e tarifës së ujit, taksën e pronës, rikthe mbrojtjen ekonomike dhe ndihmën sociale për të mjerët që u preve kafshaten, përndryshe kjo pranverë do të jetë fundi yt i merituar. Revolta qytetare kundër taksave të larta do të përmbysë narkoshtetin tënd", shkruan Berisha.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

VIDEO / Si mund të humbet një rast i tillë! Luliç bën gafën e vitit

Sport

VIDEO / Si mund të humbet një rast i tillë! Luliç bën gafën e vitit

Nëse ekziston një çmim për “Golin e vitit”, atëherë duket të ekzistojë një çmim edhe për “Gafën e vitit” dhe të keni të sigurt se atë do ta fitojë Senad...

FOTOT/ 9 të famshëm që refuzuan role simbolike dhe humbën shansin e madh

Kulturë

FOTOT/ 9 të famshëm që refuzuan role simbolike dhe humbën shansin e madh

Shumë filma do të kishin qenë ndryshe me aktorë të tjerë. Disa aktorë i refuzuan shumë role simbolike për arsye të ndryshme si angazhimet në një tjetër projekt filmik ose...

“Shqipëria po i afrohet një diktature, krimi është lënë në bordurë”

Politikë

“Shqipëria po i afrohet një diktature, krimi është lënë në bordurë”

Deputeti Dashamir Shehi shprehet se Shqipëria po i afrohet një diktature dhe se krimi është lënë në bordurë. Ai shton se, opozita do të hyjë në zgjedhje dhe do t'i...