"Shqiptarët si organi i mashkullit që nuk ngrihet", mazhoranca në mbrojtje të fjalorit të Ramës

E Enjte, 05 Prill 2018 19:28

Byroja e Kuvendit rrëzoi kërkesën e LSI-së për përjashtimin e kryeministrit Edi Rama nga Kuvendi, referuar fjalëve fyese të tij në parlament. Në seancën e 23 marsit Rama i krahasonte shqiptarët me organin gjenital të mashkullit dhe ky etiketim nuk konsiderohet aspak fyes nga Byroja e kvendit e dominuar nga mazhoranca.

Mbledhja u mbajt me dyer të mbyllura këtë pasdite dhe seanca u drejtua nga Zv/ Kryetarja e Parlamentit Vasilika Hysi.

Në përfundim të saj deputetët e opozitës akuzuan mazhorancën se me mbrojtjen e fjalorit “rrugaçëror” të Ramës ajo po fyen për herë të dytë shqiptarët.

Kërkesa e LSI:

“Edi Rama dhe oborri i tij arrogant, të mbyllur në kullat e oligarkëve nuk e kuptojnë që sot shqiptarët janë ngritur kundër regjimit skllavërues që ai po instalon. Fjala e tij para shqiptarëve ishte jo vetëm një fyerje që u bëhet banorëve të Kukësit, por edhe një shprehje e qartë e antikombëtarizmit të tij që i trajton kosovarët si klientë të pazarave të oligarkëve të tij”.

Kjo ishte një pjesë nga deklarata e Monika Kryemadhit ditën e hënë, ku ndër të tjera paralajmëroi se Lëvizja Socialiste për Integrim do të dorëzonte në Kuvend një kërkesë për përjashtimin e Kryeministrit Edi Rama.

Kërkesa është dorëzuar këtë të mërkurë dhe në të thuhet: “Duke marrë shkas nga sjellja në kundërshtim me rregulloren e Kuvendit të Kryeministrit Edi Rama, i cili në seancën plenare të datës 29 mars, me një gjuhë prej rrugaçi përdori fjalor fyes, përçmues e poshtërues ndaj deputetëve të Kuvendit dhe qytetarëve të Republikës së Shqipërisë ju drejtohemi me kërkesën për përjashtimin e tij nga Kuvendi”.

LSI thotë se ky është një rast i përsëritur i Kryeministrit, por e quan të pashembullt krahasimin e bërë në seancën e së enjtes.

“Krahasimi që Kryeministri Edi Rama ju bën deputetëve dhe qytetarëve shqiptarë me organin gjenital mashkullor është rast i paprecedent dhe shfaqje e shëmtuar e qëndrimit të tij ndaj popullit”, vijon kërkesa e firmosur nga grupi parlamentar i LSI-së.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

FOTO/ Enca vjen e zjarrtë dhe seksi, shikoni modelin e ri të flokëve

Show-biz

FOTO/ Enca vjen e zjarrtë dhe seksi, shikoni modelin e ri të flokëve

Këngëtarja Enca Haxhia shfaqet gjithnjë mjaft ekstravagante në postimet e saj në rrjete sociale. Këtë herë e shohim me një paruke të kuqe e veshur në mënyrë tejet provokuese. E veshur...

Platforma antimafia e PD/ Asnjë përfaqësues i Rilindjes në emision, frikë nga përballja

Politikë

Platforma antimafia e PD/ Asnjë përfaqësues i Rilindjes në emision, frikë nga përballja

Përfaqësuesit e PS-së mungojnë në emisionin ‘Opinion’, Mima: Do kisha preferuar t’i kisha përballë Tema e mbrëmjes së sotme në emisionin ‘Opinion’ është propozimi i bërë nga Partia Demokratike sa i...

Zbulohet përplasja mes Shqipërisë dhe Belgjikës për Safet Bajrin

Aktualitet

Zbulohet përplasja mes Shqipërisë dhe Belgjikës për Safet Bajrin

Safet Bajri përplas qeverinë shqiptare me atë të Belgjikës. Sipas asaj që zbulojnë mediat belge, autoritetet shqiptare kanë shprehur pakënaqësi që Belgjikës i janë dashur 5 muaj për të dorëzuar...