Francë/ Rama takon Macron, por ja çfarë i çoi PD para takimit qeverisë franceze...

Tuesday, 15 May 2018 13:34

Kryeministri Edi Rama takoi paraditen e sotme presidentin francez, Emmanuel Macron.

Në faqen e tij në Facebook, kryeministri postoi video nga momenti zyrtar i pritjes në pallatin “Elysee”.

Veç videos nuk ka ende njoftim zyrtar lidhur me këtë takim.

Takimi mes tyre nuk dihet sa ka zgjatur, sa kohë që takimi i radhës i Presidentit ishte ai i orës 17:00 e pasdites me Ministren e Drejtësisë.

Deri më tani, kryeministri Edi Rama nuk ka përcjellë ndonjë koment për takimin e zhvilluar.

Është shpërndarë vetëm një video, ndërsa nuk ka ende asnjë informacion mbi çfarë është thënë apo si e ka “mahnitur” Rama, presidentin Macron, siç kishte premtuar pak ditë më parë.

Ajo që dihet me siguri është se, Presidenti i Francës është njohur paraprakisht me videon e përgjimit që PD-ja publikoi dy ditë më parë, ku demokratët pretendojnë se, vëllai i ministrit të Brendshëm, Agron Xhafah, vijon të ushtrojë trafikun e drogës.

Menjëherë pas publikimit të videos, Partia Demokratike e ka përcjellë videon në faqen e saj në ‘Twitter’, duke i bërë “tag” edhe ministrit të Brendshëm francez, Gérard Collomb.

Takimi i kryeministrit Rama me presidentin Macron vjen vetëm pak ditë përpara se Këshilli Europian, të japë qëndrimin e tij për hapjen e negociatave me Shqipërinë.

Franca është një nga skeptikët për zgjerimin e BE, ndërsa kryeministri Rama do t’i kërkojë Macron votën pro për Shqipërinë.

Video

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Defekti në ashensor rrezikon të sëmurët me dializë në spitalin e Shkodrës

Aktualitet

Defekti në ashensor rrezikon të sëmurët me dializë në spitalin e Shkodrës

Të sëmurët me dializë  nuk mund të zbresin shkallët në spitalin e Shkodrës pasi ashensori gjatë gjithë ditës është jashtë funksionit. Siç duket dhe nga pamjet, njerëz me karrike me rrota...

Shpërthim në minierën e Kalimashit, hidhet në erë shtylla

Aktualitet

Shpërthim në minierën e Kalimashit, hidhet në erë shtylla

Shpërthim në minierën e Kalimashit në Kukës. Policia deklaron zyrtarisht se i është vendosur eksploziv dhe është dëmtuar shtylla. “Më datë 23.09.2018, ora 23:20, në Kalimash, në vendin e quajtur ‘Boka...

Operacioni 'Bajri' në Lezhë dhe Laç, shoqërohen 17 persona

Aktualitet

Operacioni 'Bajri' në Lezhë dhe Laç, shoqërohen 17 persona

Policia dhe forcat speciale kanë rinisur operacionin 'Forca e Ligjit" kundër klanit 'Bajri", këtë radhë në Lezhë dhe në Laç, ku janë shoqëruar 17 persona, 41 mjete luksoze janë bllokuar...