Goditja nga i nxehti, zbuloni se cilat janë simptomat

Hënë, 14 May 2018 12:09

Temperaturat ekstreme, qoftë të larta apo edhe të ftohta, janë problematike pa diskutim për të gjithë të sëmurët, e veçanërisht për ata me sëmundje kronike.

Me qindra njerëz vdesin çdo vit si pasojë e komplikacioneve të lidhura me temperaturat shumë të larta. Ka një sërë sëmundjesh të lidhura me nxehtësinë, por më e rrezikshmja është goditja nga i nxehti, që ndodh me rritjen e temperaturës së trupit.

7 shenjat më të zakonshme të goditjes nga i nxehti janë:

1. Temperaturë e lartë e trupit

Nëse temperatura e trupit shkon rreth 39 gradë celsius, mund të jeni duke zhvilluar goditje nga i nxehti. Edhe nëse termometri shënon më pak se 39, por përsëri shfaqni simptoma të goditjes nga i nxehti, duhet të merrni masa për të ulur temperaturën ose duhet të kërkoni ndihmë mjekësore. Termometrat jo gjithmonë janë të saktë, prandaj mos i injoroni shenjat e goditjes nga i nxehti.

2. Djersitje të shumtë ose mungesë të saj

Normalisht trupi e ftoh veten duke djersitur. Por kur ekspozoheni në temperatura të larta për një kohë të gjatë (për shembull, kur punoni në ambient jashtë gjatë verës) dhe nuk zëvendësoni lëngjet e humbura, sistemi i trupit që rregullon temperaturën, “hutohet”. Si pasojë, trupi prodhon më shumë nxehtësi seç mund të çlirojë. Sfilitja nga të nxehtët kërkon vëmendje të menjëhershme, pasi mund të çojë në goditje nga të nxehtët, një gjendje jetëkërcënuese.

3. Hutim dhe marrje mendsh

Goditja nga të nxehtët shkakton simptoma të tilla si mungesë koordinimi, marramendje, acarim dhe probleme në ecje. Personat që rrezikojnë të pësojnë goditje nga të nxehtët gjithashtu kanë vështirësi në të folur dhe menduar gjërat siç duhet, prandaj u bëni disa pyetje për të vërtetuar nëse janë mirë.

4. Një dhimbje koke therëse

Dhimbja  e tmerrshme e kokës është një nga simptomat më të zakonshme të goditjet nga të nxehtët. Kjo simptomë zhvillohet kryesisht si pasojë e dehidratimit (kur nuk keni pirë mjaftueshëm ujë).

5. Të përziera ose të vjella

Teksa vazhdoni të djersitni, trupi fillon të dehidratohet. Nxehtësia fillon të ndikojë tek disa organe, të gjitha këto mund t’i përkeqësojnë edhe më shumë simptomat e përmendura dhe shkaktojnë gjendje të fikëti, të përziera dhe të vjella.

6. Skuqje të lëkurës

Kur trupi përpiqet të ftohtë veten, e kalon rrjedhjen e gjakut drejt lëkurës, duke shkaktuar skuqje të saj. Lëkura gjithashtu mund të duket shumë e thatë ose e ftohtë, në varësi të llojit të goditjes së po përjetoni.

7. Rrahje të çrregullta të zemrës ose probleme me frymëmarrjen

Zemra vendoset nën një presion shumë të madh si pasojë e nxehtësisë së lartë. Pse? Ajo duhet të pompojë më fort dhe më shpejt për t’u siguruar që sistemet e ftohjes natyrale të trupit të funksionojnë siç duhet për të mbajtur të balancuar temperaturën e trupit. Kjo mund të çojë edhe në probleme me frymëmarrjen. /Shëndeti/

Modifikuar më Hënë, 14 May 2018 12:16

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Surpriza nga Kate Middleton, para sa të martohej me princin ai kishte një super pasuri

Show-biz

Surpriza nga Kate Middleton, para sa të martohej me princin ai kishte një super pasuri

Është e lehtë të mendosh se Kate Middleton përpara se të martohej me princin William jetonte si një mbretëreshë, por në fakt nuk është fiks kështu. Si Dukesha e Cambridge, Kate...

VIDEO / Barcelona-Girona 1-0, Lionel Messi nuk ndalet

Sport

VIDEO / Barcelona-Girona 1-0, Lionel Messi nuk ndalet

Lionel Messi shënon golin e avantazhit për Barcelona në minutën e 19. 1-0 udhëheqin blaugranat ndaj Girona në Camp Nou.

Goditën barbarisht 55-vjeçaren, arrestohet njëri prej autorëve në Durrës

Aktualitet

Goditën barbarisht 55-vjeçaren, arrestohet njëri prej autorëve në Durrës

Policia në Durrës ka arrestuar 28-vjeçarin Admir Koleci, banues në Manëz pasi së bashku me dy të tjerë plagosi me mjete të forta 55-vjeçaren Qesfere Koleci për shkaqe pronësie. Ndërkohë ende...