Hysaj feston jubileun, rrugëtimi i kampionit shqiptar të Napolit

Hënë, 09 Prill 2018 11:04

Elseid Hysaj për herë të parë në Serie A luajti në vitin 2014. Nga atëherë shumë gjëra kanë ndryshuar. Empoli i Mauricio Sarri-t i mahniti të gjithë me lojën e zhvilluar dhe tekniku italian fitoi besimin e De Laurentiis, që i dha drejtimin e Napoli-t. Të njëjtën rrugë bëri edhe Hysaj, për të cilin niste një etapë e re në karrierë. Europa League dhe Champions me napoletanët, ndërsa sivjet po lufton për titullin kampion.

Sigurisht që edhe në aspektin financiar Hysaj tani përfiton ndjeshëm më shumë, madje në kontratën e tij ka një klauzolë prej 50 milionë eurosh për klubet jashtë Italisë që e duan. Janë lakuar shumë klube: Manchester United, Bayern Munchen, Juventus, Arsenal dhe Chelsea, por mund të rinovojë deri në vitin 2023 me Napoli-n. Në krahun e djathtë është “zot” dhe ka bërë që Maggio të jetë një alternativë kur shkodranit i duhet të pushojë.

Në pozicionin e tij është ndër më të mirët në Europë, ndaj edhe numri i ndeshjeve që ka zhvilluar nuk është i vogël. Ende nuk është mbyllur sezoni i tretë me të kaltrit dhe tashmë ka shkuar në kuotën e 100 ndeshjeve. Ndaj Chievo-s dje ishte ndeshje jubilare. Hysaj është lojtari i 122-të në historinë e Napolit që regjistron numër paraqitjesh me tre shifra. Mbrojtësi është vetëm 24 vjeç dhe është nën kontratë deri në qershor të vitit 2021.

Ndeshja e parë në Serie A me Napoli-n ka qenë ajo e 28 gushtit 2015, kur të kaltrit u mposhtën nga Sassuolo me rezultatin 2-1. E niste si mbrojtës i majtë, për shkak të probleme që kishte ekipi, ndërkohë që me të kaluar në krahun e tij të gjithë e kuptuan se 6 milionë eurot e shpenzuara për ta blerë nga Empoli ishin një investim i sigurt. Napoli i ka marrë frytet, madje nëse vendos ta shesë do të përfitojë goxha në aspektin financiar. E vetmja gjë që i mungon Hysajt në këto 100 ndeshje është... një gol.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Liga e Kombeve, të gjitha rezultatet sot

Sport

Liga e Kombeve, të gjitha rezultatet sot

Kanë përfunduar sfidat e programuara për ditën e sotme në Ligën e Kombeve dhe rezultatet surprizë nuk kanë munguar. Uellsi është mposhtur në shtëpi nga skuadra e Danimarkës, e cila...

Kim i pranishëm në testimin e një arme të teknologjisë së lartë

Globi

Kim i pranishëm në testimin e një arme të teknologjisë së lartë

Udhëheqësi i Koresë së Veriut, Kim Jong Un ka mbikëqyrur testin e një arme taktike të teknologjisë së lartë në një qendër mbrojtëse, sipas medias shtetërore e Phenianit. Ajo shtoi se...

Miqësorja/ Shpresat mundin Maltën pa shumë problem

Sport

Miqësorja/ Shpresat mundin Maltën pa shumë problem

Kombëtarja e Shqipërisë U 21 mundi me rezultatin 2-0 Maltën në një ndeshje miqësore të luajtur në stadiumin “Selman Stermasi” në kryeqytet. Kjo sfidë ishte një test për trajnerin Alban...

Sondazh

Nothing found!

Sondazh

Nothing found!