Nuk u zgjodh për Botërorin, sulmuesi i Bayern qan në stërvitje (foto)

Tuesday, 15 May 2018 20:43

Trajneri i Gjermanisë, Joachim Low, ka shpallur sot listën paraprake me 35 futbollistët e grumbulluar për Botërorin e Rusisë që do të nis më 14 qershor.

Në këtë listë kishte disa mungesa që nuk kaluan pa u vënë re si ajo e Mario Gotze-s, futbollistit që shënoi golin vendimtar në finalen kundër Argjentinës në 2014-ën, si edhe ajo e Sandro Wegner.

Gazeta gjermane “Bild” shkruan se 30-vjeçari nuk e ka pritur aspak mirë zgjedhjen e Low.

Ai është fotografuar në qendrën stërvitore të klubit ku ishte duke u stërvitur me lot në sy.

Shokët e ekipit janë përpjekur të ngushëllojnë sulmuesin i cili me shumë mundësi e ka pasur shansin e fundit për të përfaqësuar kombëtaren në Botëror.

“Nuk mund ta kuptoj. Po të ishte për mua, ai do të ishte në Rusi,” është shprehur trajneri i tij Jupp Heynckes.

Ndërsa trajneri i përfaqësueses është shprehur: “Nuk ishte një vendim kundër Sandros, ai e ka vërtetuar klasin e tij gjithmonë te kombëtarja. E di shumë mirë se sa e rëndë është një lajm i tillë për lojtarët. Por këto vendime merren gjithmonë për të mirën e ekipit.”

w2

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.