Kur yjet e Gjermanisë preken nga "mallkimi"

E mërkurë, 16 May 2018 18:31

Përjashtimi i sulmuesit Mario Götze nga lista paraprake e Kombëtares gjermane për Botërorin “Rusi 2018”, ishte një prej zgjedhjeve të bujshme të Joachim Löw.

Në Botërorin e Brazilit të vitit 2014 ishte pikërisht futbollisti shtatshkurtër, ai që në moshën 21-vjeçare dhe duke u futur si zëvendësues, shënoi një gol që vlejti më shumë sesa kurrë ndonjëherë. Klasi dhe eleganca e tij nuk viheshin në diskutim, sidomos pas 3 titujve me Dortmundin dhe Bayernin.

Por, pas golit të finales së madhe nisi edhe rënia, ashtu siç ka ndodhur shpesh me yjet gjermanë, aq sa mediet ta cilësojnë një “mallkim”, pikën kulmore që më të mirët e arrijnë te “Panzerat”.

Problemet, polemikat dhe zhgënjimet nuk regjistrohen për herë të parë te Gjermania. Katër futbollistë të Kombëtares gjermane, që kanë vendosur 4 Botërorët e fituar, kanë kaluar shpejt nga parajsa në ferr. Mario Götze është i fundit në radhë.

Botërorin e parë, Gjermania e fitoi në vitin 1954 në Zvicër, me mrekullinë e Bernës që u përjetësua edhe në film, aty ku ishte një futbollist që spikati mbi të gjithë. Helmut Rahn shënoi dy gola në suksesin vendimtar 3-2. Por, që prej asaj sfide epike, për “bomberin” gjerman nisi rënia, alkooli, e madje edhe arrestimi për shkak të një sulmi ndaj policisë.

Në vitin 1974, golin vendimtar e shënoi Gerd Müller. “Bomber der Nation” kishte spikatur gjithmonë në portat kundërshtare, por më pas la Bundesligën për futbollin amerikan, e pati varësi ndaj alkoolit, gjë që e detyroi të kërkonte edhe ndihmën e psikologut.

Gjermani i fundit që vendosi një Botëror para Götzes ishte Andreas Brehme. Goli i tij ndaj Argjentinës në Botërorin e vitit 1990 ishte historik. Mbrojtësi karizmatik fitoi më pas dhe Kupën UEFA me Interin, si dhe Kupën e kampionatin gjerman me Kaizerslauternin. Por, edhe për të nisën problemet, me arrestime dhe falimentim financiar, vetëm pak kohë pas golit që e çoi në parajsë dhe e riktheu në ferr. /tch/

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Berisha: Përroi psiqik i Ramës nuk e lejon të ketë arsyetim të drejtë

Politikë

Berisha: Përroi psiqik i Ramës nuk e lejon të ketë arsyetim të drejtë

I pyetur për deklaratën e Ramës ditën e sotme në parlament ku u shpreh: “Protesta i dha një shuplakë qeverisë, një grusht opozitës dhe një dritë shprese shoqërisë”, ish-kryeministri Sali...

Vrau 3 persona në Strasburg, policia ekzekuton pas 48 orësh autorin

Globi

Vrau 3 persona në Strasburg, policia ekzekuton pas 48 orësh autorin

Policia franceze ka qëlluar për vdekje autorin e dyshuar të sulmit të së martës në Strasburg, ku 3 persona u vranë dhe disa të tjerë u plagosën. Viktima është 29-vjeçari Cerif...

Tupja: Situata e vendit tatëpjetë, kërkesat e studenteve përpjetë

Aktualitet

Tupja: Situata e vendit tatëpjetë, kërkesat e studenteve përpjetë

Profesori i njohur Edmond Tupja i ftuar në "360 Gradë" në Ora News, duke komentuar për protestën e studentëve, tha se situata ku ndodhet vendi është në tatëpjetë. Tupja: Sipas një...

Sondazh

Nothing found!

Sondazh

Nothing found!