Botërori i ri për klube, nga viti 2021. Skuadrat më të mira në botë dhe 3 miliardë të ardhura

E Enjte, 17 May 2018 08:26

Kompeticioni i ri i Botërorit për Klube do të nisë në vitin 2021 dhe do të zhvillohet një herë në katër vjet. 24 skuadra të ndara në 8 grupe, plus faza me eliminim direkt nga faza çerekfinale në finale.

Në eventin e parë do të ftohen klubet më të mira në botë: Real Madrid, Barcelona, Liverpool, Bayern München, Ajax, Manchester United, por edhe Juventus, Inter dhe Milan për Europën…
Cilat klube do të marrin pjesë
Në këtë kompeticion do të marrin pjesë 24 skuadra, dhe gjysma, 12, do të jenë europiane; 2 do të jenë nga Afrika; 2 nga Azia; 2 nga Amerika e Veriut; 4 nga Amerika e Jugut por mund të bëhen edhe 5 (duke qenë se një skuadër amerikanojugore do të përballet në play-off me kampionen e Oqeanisë), po ashtu, sigurisht, edhe një klub nga vendi pritës. Ky kompeticion do të zhvillohet një herë në katër vjet dhe qëllimi përfundimtar është të marrin pjesë 24 skuadrat më të mira (shembull: fituesit e katër edicioneve të fundit të Champions League, finalistet, dhe më të mirat në renditjen e UEFA), por në edicionin e parë të 2021, përzgjedhja parashikon ftesa.
Cilat klube do të ftohen në vitin 2021
Për fillimin e kompeticionit, FIFA do të përzgjedhë dhe do t’u dërgojë ftesa klubeve – duke zgjedhur për shembull – mes klubeve europiane – tetë klubet që kanë fituar të paktën 3 herë Champions League, si Real Madrid, Milan, Bayern München, Barcelona, Liverpool, Ajax, Inter dhe Manchester United, të cilëve do t’u shtohet edhe Juventus, duke parë ecurinë e mirë në arenën ndërkombëtare dhe dominimin e padiskutueshëm në Itali. Një vend do t’i shkojë sigurisht edhe Francës (me shumë mundësi Paris SG) si dhe dy vendet e fundit do të zgjidhen mes klubeve si Manchester City, Chelsea, Atletico Madrid, Porto, Benfica apo Borussia Dortmund.
Si do të zhvillohet kompeticioni
24 skuadrat do të ndahen në tetë grupe, me nga tre ekipe, ku vetëm vendi i parë do të kalojë në fazën çerekfinale me eliminim direkt, ku në rast barazimi pas 90 minutave, do ta procedohet direkt me penallti. Kompeticioni do të zgjasë 18 ditë: 2 ndeshje minimumi për çdo ekip, 5 maksimumi (gjatë periudhës 10 – 28 qershor). Ky kompeticion do t’u sjellë të ardhura klubeve edhe vetëm nga pjesëmarrja.
Sa para vlen formati i ri i Botërorit të Klubeve?
Revolucioni i vërtetë i Kompeticionit mund të jetë pikërisht tek të ardhurat. Investitorët e ndryshëm janë gati të derdhin 12 miliardë dollarë për katër edicionet e para (2021, 2025, 2029, 2033), pra çdo edicion do të vlente 3 miliardë dollarë. FIFA nuk kërkon fitime dhe do të përfitojë në portofol vetëm 100 milionë për të mbuluar shpenzimet.
Sa do të përfitojnë klubet pjesëmarrëse
Duke hequr të ardhurat e FIFA, pjesa e mbetur prej 2,9 miliardë dollarësh do t’u shpërndahen – mes 70 dhe 75% – skuadrave që do të marrin pjesë në turne, për një total prej thuajse 2 miliardë dollarësh. Kjo do të thotë që thjesht pjesëmarrja vlen 60 milionë në periudhën katërvjeçare, kurse fituesi do të fitojë mes 130 – 150 milionë dollarë. Pjesa 25 – 30% e qarkullimit të parave të turneut do t’u dhurohet në solidaritet federatave, ligave dhe klubeve jo pjesëmarrëse.

Modifikuar më E Enjte, 17 May 2018 08:36

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

VIDEO/ Brenda banesës që u bombardua me plumba e tritol në Kamëz

Aktualitet

VIDEO/ Brenda banesës që u bombardua me plumba e tritol në Kamëz

Rreth orës 02:00 Kamza është tronditur nga breshëria e automatikut dhe lënda plasëse (tritol). Objekt i sulmit është kompleksi i vëllezërve Halili i vendosur në qendër të qytetit, vetëm 500...

PSG gati të bëjë çmendurinë e radhës për yllin e Tottenham

Sport

PSG gati të bëjë çmendurinë e radhës për yllin e Tottenham

PSG dëshiron të krijojë “bombën” e radhës këtë merkato. Klubi francez do të kërkojë të blejë Christian Eriksen nga Tottenham Hotspurs dhe për të janë gati të ofrojnë plot 100...

VIDEO/ Sulm mbi Parlamentin në Londër, plagosen disa persona

Globi

VIDEO/ Sulm mbi Parlamentin në Londër, plagosen disa persona

Një burrë është arrestuar pasi ka përplasur makinën me barrierat e sigurisë të vendosura jashtë godinës së Parlamentit, duke lënë të plagosur disa persona, njofton policia. Incidenti ndodhi rreth orës 07:37...